به‌شداری شاندێکی حیزبی له مه‌راسمی سالرۆژی سازمانی خه‌باتی کوردستانی ئێران له نۆروێژ

له سه‌ر بانگهێشتی فه‌رمی کومیته‌ی سازمانی خه‌باتی کوردستانی ئێران له نۆروێژ، ئێواری رۆژی شه‌ممه رێکه‌وتی ٢٥ی ٨ی ٢٠١٨ هه‌یئتێکی کومیته‌ی حیزبی دێموکراتی کوردستانی ئێران له نۆروێژ پێکهاتوو له هاورێیان قادر عه‌زیزبیگی، حه‌سه‌ن ئاهنگه‌ری و سه‌لیم شێخه‌پوور وێرای پێشکه‌ش کردنی په‌یامی پیرۆزبایی به‌ بۆنه‌ی ٥ی خه‌رمانان سالرۆژی دامه‌زراندنی سازمانی خه‌باتی کوردستانی ئێڕان و چه‌پکه‌ گوڵی پیرۆزبایی ،به‌شداری مه‌راسمی سالرۆژی سازمانی خه‌باتی  کوردستانی ئێران له نۆروێژ بوون، که به گه‌رمی له لایه‌ن به‌ڕێوه‌برانی مه‌راسمه‌که پێشوازیان لێکرا.

شایانی باسه له به‌شێک له په‌یامی کومیته‌دا،داوای پێک هێنانی به‌ره‌ێکی نه‌ته‌وه‌یی، پلاتفۆڕمێکی هاوبه‌ش بۆ هاوکاری و هاوئاهەنگیەکی زۆرتر له مه‌یدانی خەبات و بەربەرەکانی دژی بە کۆماری ئیسلامی ئێراندا بۆ هێزه‌کانی کوردستانی رۆژهه‌ڵات کرابوو. 

به‌شی په‌یوه‌ندی کوردستانیه‌کانی کومیته‌ی حیزبی دێموکراتی کوردستانی ئێران له نۆروێژ