مه‌حکووم کردنی ئیعدام و مووشک بارانی ئێران له لایه‌ن ناوه‌ندی وتوێژی ئازادی ئێرانییه‌کان له ولاتی نوروێژ

له سه‌ر بانگهێشتی ناوه‌ندی وتوێژی ئازادی ئێرانییه‌کان له ولاتی نوروێژ  شاندێکی کۆمیته‌ی حیزب که پێکهاتبون له کاک موختار نه‌قشبه‌ندی ـ نوێنه‌ری به‌شی پیوه‌ندی ئێرانیه‌کان ـ و کاک فه‌ریدون که‌ره‌می ـ هاوکاری به‌شی پیوه‌ندی ئێرانیه‌کان ـ  به‌شداری رێوره‌سمی مه‌حکوم کردنی ئیعدامی ٣ لاوای کورد و  هەروەها ئیدانەی هێرشی رژیم بۆ سه‌ر بنکەکانی حیزبی دیموکڕات بوون .
له ڕێوره‌سمه‌که‌دا کاک موختار نەقشبەندی  بەم شێوە ئاماژه‌ی به دۆخی خراپی ئابوری ، سیاسی و کۆمه‌لایەتی ئێران کرد که ئاکامی ٤٠ سال حوکمڕانی رژیمی ئاخوندی ئێرانه.
 ” بە میلیۆن خه‌لک به ده‌ست ئه‌و رژیمه سەرەرۆیە کوژراو و ئاواره کراون .
بۆ کۆتایی هێنان به‌م دۆخه‌ پێویسته هه‌مو خه‌لکی ئێران به یه‌کگرتوویی دژی رژیم ڕاپەڕن و  مانگرتنی ڕۆژی چوارشەممەی رابردووی کوردستان کە رەنگدانەوەی بانگەوازی یەکگرتووانەی حیزبەکانی رۆژهەڵات بوو،
بکەنە سیمبولی یەکگرتوویی و لە نافەرمانێکی مەدەنی وگشتیدا لە رژیمی ئاخوندی وەدەنگ بێن.
هه‌روه‌ها سه‌عید سه‌نه‌نده‌جی نوێنه‌ری رێکخراوی مافی مرۆڤی کوردستان  ، رەفیق حوسێن په‌ناهی برای رامین حۆسه‌ین په‌ناهی  ، دوکتۆر مه‌حموود ئه‌میری موقه‌دده‌م بەرپرسی رێکخراوی مافی مرۆڤی ئێران نیشته‌جێی ئوسلۆ ، ئه‌رده‌شیر ئیسفه‌ندیاری نووسه‌ر و شاعیر ، عه‌لی سدیقی شاعێر ، به‌شێک بون له میوانه‌کان کە بە حزوری یان له رێگای ئینتێرنێته‌وه قسه‌ و بابه‌تی خۆیان پێشکه‌ش کرد و تێگڕا ئه‌م کاره‌ساتانه‌یان مه‌حکوم کرد.
دەگەڵ رێزی
بەشی پێوەندییە ئێرانیەکان
۱۳ / ۹ / ۲٠۱۸