کار و چالاکی

ڕۆژی یه‌کشه‌ممه رێکه‌وتی ٢ / ١٢ / ٢٠١٨ ی زایینی کۆمیته ناوچه‌ی درامێن به به‌شداری شه‌هلا یار ـ سه‌رپرستی کۆمیته‌‌ی گشتی و هیوا ئه‌حمه‌دی ـ به‌رپرسی ته‌شکیلاتی کۆمیته‌ی وڵات، کۆبوونه‌وه‌یه‌کی ته‌شکیلاتیان له‌و ناوچه‌یه پێکهێنا.

کۆبوونه‌وه‌که به پاراستنی ده‌قیقه‌یه‌ک بێ‌ده‌نگی بۆ رێزگرتن له گیان پاکی شه‌هیدان ده‌ستی پێکرد. پاشان به‌رپرسی کۆمیته‌ناوچه‌ی درامێن ـ مه‌جید یارحوسێنی ـ له‌سه‌ر چۆنیه‌تی هه‌ڵمه‌تی یارمه‌تی به حیزب و شێوه‌ی ئابوونه‌ بوونیان بۆ به‌رده‌وامیی ئه‌و یارمه‌تیانه قسه‌ی کرد. هه‌روه‌ها پێشنیارکرا که کۆمیته‌ی وڵات بیرێک له سازماندانی به‌شێک له‌و ئه‌ندامانه بکاته‌وه که به هۆی دووری مه‌ودای شوێنی نیشته‌جێی بوونیان، ناتوانن به‌شداریی له کۆڕوکۆبوونه‌وه‌کانی ناوچه‌که‌دا بکه‌ن.

له درێژه‌ی کۆبوونه‌وه‌که‌دا پاش چه‌ند باس و بابه‌تی پێوه‌ندیدار له لایه‌ن به‌ڕێزان شه‌هلا یار و هیوا ئه‌حمه‌دی ، هه‌ریه‌ک له به‌شدار بووان ره‌خنه‌، پێشنیار ، بۆچوون و پرسیاره‌کانی خۆیان خسته روو که له لایه‌ن ئه‌ندامانی کۆمیته‌ی وڵات وڵامی پێویست به ره‌خنه و پرسیاره‌کان درایه‌وه و پێشنیاره‌کانیش به ئه‌مانه‌ته‌وه به شوێنی پێوه‌ندیدار ڕاده‌گه‌یه‌ندرێن.

جێگای ئاماژه‌یه که له‌م کۆبوونه‌وه‌دا به‌داخه‌وه زیاتر له نیوه‌ی ئه‌ندامان به‌شداریان نه‌کرد. کۆبوونه‌وه‌که پاش سێ کاتژمێر کاری به‌رده‌وام، کۆتایی پێهات.

ده‌گه‌ڵ ڕێزی کۆمیته‌ی گشتی حیزبی دیمۆکڕاتی کوردستانی ئێران له نۆڕوێژ به‌شی ته‌شکیلات ٢ / ١٢ / ٢٠١٨