به‌ڕێوه‌ چوونی جێژنی ٢٦سه‌رماوه‌ز ،رۆژی پێشمه‌رگه‌ی کوردستان له وڵاتی نۆروێژ

رۆژی یەکشه‌ممه رێکه‌وتی ٢۳ی١۲ی٢٠١۸ کۆمیته ناوچه‌ی ئۆستفۆڵد به هاوکاری کۆمیته‌ی وڵات، یه‌کیه‌تی لاوان و ژنانی دیمۆکراتی کوردستانی ئێران و کۆمیته‌ی گشتی کۆمه‌ڵه‌ی کولتووری کوردی له نۆروێژ ، مه‌راسمی ٢٦ی سه‌رماوه‌زیان له شاری رۆده‌ی پارێزگای ئۆستفۆڵد له وڵاتی نۆروێژ به‌ڕێوه‌برد.

مه‌راسم و جێژنه‌که له چه‌ندین بڕگه و بابه‌ت پێکهاتبوو که به شێوی خواره‌وه بوو. جێژنه‌که له کاتژمێر شەشی ئێوارێ به به‌خێرهێنانی به‌رێوه‌برانی جێژنه‌که خۆشکه ده‌ریا بابیل و کاک لوقمان قاسمی ،سروودی نه‌ته‌وایه‌تی ئه‌ی ره‌قیب له لایه‌ن گرووپی سروودی یه‌کێتی لاوانی شانه‌ی هۆنه‌فۆس و خوله‌کێک بێ‌ده‌نگی بۆ ڕێز گرتن له گیانی پاکی شه‌هیدان ده‌ستی پێ‌کرد.

دواتر په‌یام و بروسکه‌ی پیرۆزبایی به‌م شێوه‌ پێشکه‌ش کران ـ پەیامی کۆمیته‌ی گشتی حیزبی دیمۆکراتی کوردستانی ئێران له نۆروێژ له لایه‌ن موختار نه‌قشبه‌ندی ـ په‌یامی یه‌کێتییه‌کانی لاوان ،ژنان ، خوێندکاران و کومیته‌ی گشتی کۆمه‌ڵه‌ی کولتووری کوردی له نۆروێژ له لایه‌ن سیامەند حەسەن نژاد ـ بروسکه‌ و چه‌پکه‌گولی پیرۆزبایی له لایه‌ن یه‌کێتی نیشتمانی کوردستان ـ بروسکه و چه‌پکه گولی پیرۆزبایی له لایه‌ن پارتی دێموکراتی کوردستان ـ بروسکه و چه‌پکه گولی پیرۆزبایی له لایه‌ن کۆمه‌ڵه‌ی شۆرشگێری زه‌حمه‌تکێشانی کوردستانی ئێران ـ بروسکه و چه‌پکه گولی پیرۆزبایی له لایه‌ن پارتی ئازادی کوردستان ـ بروسکه و چه‌پکه گولی پیرۆزبایی له لایه‌ن کەسایه‌تی سه‌ربه‌خۆ کاک سالار شوانی و په‌خشانێک له لایه‌ن کاک سولیمان ئه‌حمه‌دنیژاد له ژێر ناوی من پێشمه‌رگه‌م پێشمه‌رگه پێشکه‌ش کرا.

پاشان شانۆیەک له ژێر ناوی ڕاسان لە نووسینی سمکۆ بێکەس له لایه‌ن هاورێیان ؛ ئه‌نوه‌ر پویا، عه‌لی یگانه، شۆرش قادرزاده ، چیا مه‌ناف و خوشکه ئاسیه ره‌سوولی بەرێوە چوو که جێگای سرنج و خۆشحالی به‌شداران بوو.

برگه‌یه‌کی دیکه‌ی مه‌راسمه‌که بریتی بوو له ڕێز گرتن لە رۆژی که‌م ئه‌ندامان که به‌و بۆنەوە ، ڕێز له چه‌ند پێشمه‌رگه‌ی که‌م ئه‌ندامی حیزب گیرا و له‌وحی ڕیزلێنانیان له‌ لایه‌ن هاورێیان قادر ره‌سوولی و جه‌میل ئه‌حمه‌دی پێشکه‌ش کرا .هاورێیانی که‌م ئه‌ندام که وه‌ک نوێنه‌ری هه‌موو پێشمه‌رگه که‌م ئه‌ندامه‌کانی حیزبی له نۆروێژ دیاری کرابوون ،بریتی بوون له هاورێیان ؛سه‌ید مه‌حمه‌د مۆئمین‌پوور، شەمسه‌دین فه‌رامه‌رزی، وەستا خالید جەهانی، فەتاح مرادی، هەرمان ماد و جەهان شاحوسێنی.

ئەوجار جێژنەکە بە دەنگی هونەرمەدانی گۆرانیبێژ شێرکۆ مەریوانی، نەجمان و فەرزاد و بە شایی و هەڵپەرکێی به‌شداران تا دەرەنگانی شەو درێژەی کێشا.
دەگەڵ رێزی کۆمیتەی گشتیی حیزبی دیمۆکڕاتی کوردستانی ئێران لە نۆروێژ ۲۳ / ۱۲ / ۲٠۱۸

بۆ وێنەی زیاتر تکایە کرتە لەسەر ئەم لینکە بکەن